- 43 -

1315. Mai 2. Liegnitz.

Herzog Boleslaus verkauft der Stadt den Bruch vom Wege bei der Mühle von Rüstern bis zur Mühle des Bürgers Heinrich de Ruya mit Gewässern und Fischen für 260 Mark.

In nomine domini amen. Nos Bolezlaus dei gracia dux Slesie dominusque Legniczensis considerantes animo diligenti nostram nostrorumque successorum utilitatem ex emenda et melioracione nostrarum communiter ciuitatum propensius et commodum augmentari, ad communem vniuersorum, tam presencium quam futurorum, cupimus noticiam deuenire, quod einende ciuitatis nostre Legnicz, de qua dominij nostri nominacio singulariter tytulatur, specialius insudantes pro ipsius melioracione partem merice nostre, que palus et uulgari nomine bruch dicitur, cum aquis et piscaturis, cuius partis fines a via prope molendinum iuxta Richssniter villam situm usque ad pontem eiusdem ciuitatis prope molendinum Heynrici ciuis, nunc de Roya dicti, per transuersum se extendunt, de consensu pariter et voluntate fratris nostri, domini Wlodizlay illustris, habito super hoc consilio nostrorum sapientum, ciuibus nostris ibidem pro ducentis et sexaginta marcis vsualis pecunie, rite et racionabiliter vendidimus, cum omni dominio et iure, quibus ad nos et predecessores nostros retroactis pertinuit temporibus, ad ipsam ciuitatem perpetue pertinendam, et eandem pecuniam ab eisdem nostris ciuibus plenam et integram persolutam percepimus; ad utilitatem nostram et terre nostre ipsam conuertentes recognoscimus inquam publice et fatemur, quod eamdem merice partem simul cum fratre nostro, domino Wlodizlao prehabito prenominatis ciuibus nostris nomine ipsius ciuitatis cum dominio et iuribus supradictis, liberam totaliter et exemptam omni seruicio, tam vrbano ciuili quam etiam curiano, singulisque collectis, contribucionibus, pecunia monetali, vecturis angarijs, perangarijs, precarijs et vexacionibus vniuersis, nobis aut curie nostre necnon successorum nostrorum debitis justicia siue prece resignauimus et contulimus, resignantes ad ipsam ciuitatem in perpetuum pertinendam, renunciantes cum hoc omni iuri aut iuris accioni, que nobis posset competere in repeticione eius aut aliquo premissorum. Ne autem ipsi ciues nostri aut ipsorum sequaces per nos aut quemquam successorum nostrorum in promissis aut eorum aliquo in posterum impeti valeat (!), seu etiam ciuitas impediri. presentem paginam in robur perpetuum fieri fecimus nostri appensione sigilli communitam. Datum et actum in eadem ciuitate Legnicz sub anno domini millesimo trecentesimo quintodecimo, vi°. Non. Maij. Testes autem huius sunt fideles milites nostri, Guntherus antiqus de Biberstein, Albertus Barth, Guntherus et Gelfradus, fratres dicti de Rechenberg, Brumzlaus Budywoy, Henricus de Landscrona, Conradus de Swabisdorf, clientes vero Henricus de Silicz, Johannes de Rimberg, Nycolaus dictus Olowe, Gerhardus, notarius et ceteri ad hoc vocati specialiter et rogati.

O. d. St. L., No. 16 mit dem Siegel an einer Schnur von rother und grüner Seide. — Bitschens Privilegb. f. LXII.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866